Contis di une citât industriâl

Un spetacul e un incuintri di teatri partecipât par fevelâ di lavôr, sul palc e in sale, doprant il teatri: e je cheste la propueste de Compagnia di Arti&Mestieri di Pordenon, che joibe ai 17 a Cordenons e va in sene tal Auditorium “Aldo Moro” cun “Racconti di una città industriale” (Contis di une citât industriâl), di e cun Bruna Braidotti, acompagnade ae armoniche di Nicola Milan. Une conte sul disvilup economic ecezionâl di Pordenon, “la Manchester dal Friûl-Vignesie Julie”. E sabide ai 19, inte proprie sede, la Scuele di teatri in larc Cervignano a Pordenon e met al centri il teme dal lavôr intun incuintri origjinâl di teatri partecipât, il Playback Theatre. Ogni partecipant al pues pandi i propris pinsîrs sul teme par riviodiju in sene cul titul “Il lavoro nobilita la donna e l’uomo?”, ven a stâi “storiis, contis, vicendis vivudis in sene dal moment”. (A.I.) – 16.10.2024