Cuant che a emigrâ dal Friûl a jerin i cogos

L’Harry’s Bar, l’albierc Cipriani e il Danieli di Vignesie, la Posta di Cortina a son dome cierts nons dai lûcs iconics dulà che a àn lavorât gjenerazions di cogos furlans de fasse da pît des monts. Grancj professioniscj che a àn viazât ancje pal mont, puartant cun sé la nomee di grancj lavoradôrs, tantis storiis coletivis e di singui. Dut chest al ven contât intal cine documentari dal pordenonês Pasqualino Suppa, “Coghi e cusine – Storiis di emigrazion”, che al sarà presentât miercus aes 5.45 dal dopomisdì a Cinemazero. Il cine al conte cu la vôs dai protagoniscj dutis lis vicendis di emigrazion, lavôr e sacrifici. (A.I.) – 02.05.2023