Cuatri dîs di concierts e visitis vuidadis

Cuatri dîs, cuatri concierts e trê visitis vuidadis intai lûcs dal Friûl-Vignesie Julie cul “Festival Udin Cjistiel”, che al va indevant cu la sô programazion dilunc di dut il mês di Mai. La seconde setemane de rassegne e tache joibe ai 16 inte Torate di Sante Marie a Udin cun doi pianiscj zovins, Elisa Brumat e Paolo Zentilin. Vinars ai 17 inte aree dal baluart Garzoni di Palme, daspò di une visite ai bastions, al sune il Trio Tempestoso, cun repliche sabide ai 18 inte Plêf di S. Martin a Dartigne. Domenie ai 19 intal Museu di art contemporanie Cjase Cavazzini di Udin, un violoncelist talian di innomine internazionâl, Giovanni Gnocchi. (A.I.) – 15.05.2024