La musiche di Wolfgang Amadeus Mozart ancjemò une volte protagoniste de colaborazion tra Ert – Ent Regjonâl Teatrâl dal Friûl-Vignesie Julie e la associazion Mozart Italia, che a presentin la tierce edizion de rassegne “Mozart e dintorni”. Pe prime volte i apontaments a saran cuatri in ancjetantis salis a Udin, Paulêt e Orsarie. La scree e je in program vinars ai 20 tal Teatri S. Zorç di Udin cul cuintet AMS UD, formât di musiciscj cuntune lungje cariere conciertistiche a nivel internazionâl, ducj formâts tal conservatori “Tomadini” di Udin. La rassegne e va indevant vinars ai 27 tal Auditorium comunâl di Paulêt cu la Orchestre “Ferruccio Busoni” di Triest, po dopo la Roma 3 Orchestra a Udin e par sierâ l’Ensemble dell’Arcimboldo tal TeatrOrsaria. (A.I.) – 19.09.2024
Cuatri seradis dutis par Mozart
8
