Cui Papu un omaç ae comicitât in blanc e neri

Omaç al Quartetto Cetra cui Papu miercus ai 15 tal Teatri “Verdi” di Pordenon. Ramiro Besa & Andrea Appi a presentin “C’e(t)ra una volta”, sottitulât “Comicitât in Blanc e Neri”. Un spetacul pai cent agns de innomenade formazion, dulà che i doi comics a butin la sfide di tornâ a interpretâ une senute famose de storie, cjapant il puest, a mût lôr, di mostris sacris de comicitât, di Cecchelin ai Fradis De Rege, di Tognazzi a Vianello, di Walter Chiari a Campanini. Une atmosfere di epoche, antighe, ma no dome par un public “anzian”. Sul palc ancje il Gabriel Fauré Consort – Instrumental Ensemble e il Pordenone vocal Ensemble diret di Emanuele Lachin, che al sunarà cualchi toc dal Quartetto Cetra rangjâts di Valter Poles. (A.I.) – 14.05.2024