Culture e riflession in citât cul “Teatro Della Sete”

La compagnie udinese Teatro Della Sete, nassude intal 2000, e inmanee la tierce edizion di “Passaggi”, une rassegne che e puarte il teatri professionâl in lûcs sugjestîfs de citât. Il fin, ancje chest an, al è chel di fondi il plasê de esperience culturâl a moments di incuintri e di riflession coletive. I prins doi avigniments si tignaran inte Cort di Palaç Morpurgo: une part dal program di “UdinEstate”. Martars ai 25 si scomence cul spetacul “Radio Bradbury – era un piacere bruciare tutto” (Al jere un plasê brusâ dut), un recital di peraulis e musiche su la impuartance de leture e de scriture, cun Nicoletta Oscuro (vôs) e Matteo Sgobino (ghitaris e vôs). Joibe ai 27 di Jugn, simpri aes 9 di sere, e sarà la volte di “Invisible Blues”, un conciert par theremin, violoncel, batarie e loop station cun Riccardo Pes (violoncel) e Leo Virgili. (A.I.) – 24.06.2024