La cuinte edizion di “Jazzinsieme”, rassegne di musiche che e vûl fâ cognossi la anime culturâl e turistiche di Pordenon, e torne in centri storic, e no dome, par cuatri dîs di concierts dedicâts al jazz european e ai siei interpretis dal dì di vuê che a son daûr a spicâ su la sene internazionâl. Dopo la anteprime di miercus ai 31, cul Dj set di Alessio Bertallot, si tache in vie uficiâl joibe al 1n cul revival jazz-funk dai francês Lehmanns Brothers. Inte fin de setemane de Fieste de Republiche, in program lis rileturis di Jelly Roll Morton par cure di Helga Plankensteiner, il ValdobbiadeneJazz Ensemble che al rapresente il festival cul stes non, i ‘viaçs’ e lis sperimentazions tra gjenars diviers di Gianluca Petrella e dal progjet norvegjês Rymden. (A.I.) – 31.05.2023
Cun “Jazzinsieme”, sunôrs europeans a Pordenon
98