Cyrano, un spadacin tornât a lei ae maniere di Fellini

Une esclusive regjonâl al Teatri “Verdi” di Pordenon martars ai 4 e miercus ai 5 cul “Cyrano di Bergerac” di Rostand inte rivisitazion firmade di Arturo Cirillo, che lu ambiente tra i splendôrs e lis miseriis dal mont de varietât. Tra plumis, lustruts e musiche, la storie dal spadacin e devente, inte rileture dal atôr e regjist napoletan, cuasi un musicâl che al fonde lis lidrîs in “Ginger e Fred” di Fellini e intai ricuarts personâi dal stes regjist e protagonist, che di zovin al fo ispirât de vision dal “Cyrano” di Domenico Modugno, tai agns Setante a Napoli. (A.I.) – 03.04.2023