A son tantis lis candidaturis rivadis di Italie, Slovenie, Romanie, Austrie e Gjermanie pe decime edizion di “WhatWeAre”, la plateforme di danze contemporanie organizade de ADEB, Associazion danze e balet, une iniziative curade di Elisabetta Ceron e Massimo Girardi, che e vûl dâ visibilitât ae ricercje di coreografs e danzadôrs ancje emergjents, metint a disposizion oportunitâts professionâls di alt profîl. La fase dal vîf e sarà sabide ai 4 tal Teatri S. Zorç di Udin ae presince di esperts dal setôr, diretôrs e organizadôrs des istituzions. Novitât di chest an: il premi coreografic cui danzadôrs de compagnie dal G.H. Theater Görlitz-Zittau de Gjermanie e une borse di studi in bêçs metude a disposizion de Fondazion de Academie Nazionâl di Danze di Rome. (A.I.) – 03.05.2024
Foto Raccanello
