Danze te scuele dai mosaiciscj di Spilimberc

In zonte ae stagjon teatrâl, l’ERT, Ent Regjonâl Teatrâl dal Friûl-Vignesie Julie, e il Comun di Spilimberc a inmanein un avigniment domenie ai 14 di Avrîl te Scuele Mosaiciscj dal Friûl. “Muse” al è un spetacul origjinâl ideât a pueste pal lûc de coreografe e danzadore Marta Bevilacqua pe compagnie di danze contemporanie Arearea di Udin, che dal 1993 e prodûs creazions origjinâls di danze contemporanie sedi pe sene teatrâl, sedi par spazis urbans e di ogni dì. La fusion tra la danze contemporanie e il patrimoni artistic e vignarà fate de Bevilacqua cun Andrea Rizzo, Angelica Margherita e Valentina Saggin. (A.I.) – 12.04.2024