Danzis dal passât inte Torate di S. Marie

Inte Torate di S. Marie e va indevant il festival “Udine Castello”, inmaneât de storiche associazion Amici della musica di Udin. Miercus ai 24 aes 19.22 – l’orari che al mostre l’an di nassite dal sodalizi -, la rassegne e presente il clavicembalist Basilio Timpanaro, che al sunarà une schirie di danzis dal passât, acompagnadis di proiezions. Pagjinis barochis, gjighis, furlanis e manfrinis a cjataran rispueste intune rileture visive moderne, silabade de tastiere dal artist virtuôs. La rassegne, che e fâs part de European Festival Association, e à la poie dal Ministeri, de Regjon, di PromoTurismo, Comun di Udin, Fondazione Friuli, ARLeF, ERT, Confindustrie e Club Unesco. (A.I.) – 23.05.2023