Dario Zampa: 50 agns di cariere intun spetacul

Daspò dal debut di metât Dicembar tal Auditorium “Alla Fratta” di S. Denêl, al torne intal circuit dal Ert “Lâ vie”, il spetacul conciert antologjic di Dario Zampa. Il cjantautôr furlan, acompagnât di Angelo Floramo e di cinc musiciscj – Sebastiano Zorza ae armoniche, Omar Malisan ae ghitare, Andrea Grosso al bas, Nicola Masolini aes percussions e la vôs di Grazia Rapetti – al sarà martars ai 18 tal Teatri Sociâl di Glemone e miercus ai 19 tal Teatri “Paolo Maurensig” di Tavagnà. Il spetacul, dut in lenghe furlane, al ripasse traviers monolics e cjançons i moments plui significatîfs di passe cincuante agns di cariere artistiche di Dario Zampa, leantsi al teme plui ampli de trasformazion identitarie furlane. (A.I.) – 17.02.2025