Dopo il conciert dut plen a Villa Manin, cun centenârs di personis che no son rivadis a cuistâ i biliets, il compositôr e pianist Remo Anzovino al anunzie un gnûf grant avigniment in Friûl-Vignesie Julie: sabide ai 23 di Setembar aes 4.30 dopomisdì a Purcie, sul lât de Burida. Pe prime volte inte storie di chest lûc, al rimbombarà un piano a code: chel di un dai talents plui straordenaris de musiche strumentâl contemporanie. Anzovino al sunarà il so gnûf disc “Don’t Forget to Fly” e i tocs plui innomenâts gjavâts fûr dai discs di studi e des colonis sonoris, za presentâts ancje intal conciert in memorie des vitimis dal Puint Morandi a Gjenue, ai 13 di Avost. Pal Zenâr 2024 al è za stât anunziât un apontament intun altri lûc impuartant, l’Auditorium Parco della Musica “Ennio Morricone” di Rome. (A.I.) – 23.08.2023
Foto di Paolo Grasso
