De Andrè cjantât dal fi Cristiano

“De André al cjante De André” al è il gnûf conciert di Cristiano De André, l’unic erêt dal patrimoni musicâl dal pari, contât sul palc – là che al torne daspò di cualchi an – a 25 agns de sô muart, traviers un repertori grandonon. Acompagnât di une band di ecezion, ae vôs, ma ancje ghitare acustiche e classiche, bouzouki, piano e a violin, Cristiano De André al puarte ator lis cjançons di so pari, ancjemò une vore atualis e cetant preseadis, sui palcs estîfs principâi de penisule. L’unic apontament in Friûl-Vignesie Julie al è fissât par vinars ai 6 te Arene Alpe Adria di Lignan. (A.I.) – 05.09.2024