De Mostre di Vignesie ai cines de regjon

Il Visionario di Udin al ospite martars ai 26 lis primis proiezions de edizion 2023 di “Le giornate della Mostra del Cinema di Venezia”, iniziative che e puartarà intes salis lis oparis de ultime edizion de Setemane internazionâl de Critiche. La programazion cheste an si slargjarà, cun di plui, ancje a chês altris sezions de Mostre dal Cine di Vignesie, dant cussì al public la pussibilitât di tornâ a vivi la magjie de rassegne veneziane intes salis cinematografichis “d’essai” che a son sul nestri teritori. Pe serade di scree, dute a gratis, daspò la introduzion dal critic Vincenzo Patanè, la proiezion dal curtmetraç “De l’amour perdu” e di “Love Is a Gun”. (A.I.) – 25.09.2023