La conte di un viaç crepuscolâr traviers i boscs des monts di Gurize. Un cine sul spazi tra lis robis: tra il scûr e la lûs, tra il sium e la vegle, tra il no cognossût e il familiâr, tra la memorie e la imagjinazion. “Di notte” (Di gnot) al è il curtmetraç sperimentâl di pôc mancul di dîs minûts de artiste svuizare Anouk Chambaz, che al sarà presentât joibe ai 20 aes 6.30 dopomisdì, a jentrade libare, li dal Kinemax di Gurize inte suaze di “Mind the Border”, il progjet di residence artistiche volût di Altreforme. Il progjet al nas cul obietîf di indagâ traviers la lint de art il confin, no masse tal sens di limit di separazion tra dôs identitâts nazionâls, ma tant che lûc di incuintri e convivence permanente. (A.I.) – 19.02.2025
Foto di E. Prosdocimo
