Dîs agns a Nert par zirâ un cine sui ‘dismenteâts’ dal Vaiont

Un afresc fat di atmosferis insumiadis: a sessante agns de tragjedie dal Vaiont, “La luna sott’acqua” di Alessandro Negrini al conte la comunitât di Nert al dì di vuê, dividude tra il desideri di rinassite e la dibisugne di preservâ la memorie di un passât dolorôs. Il documentari, prodot di Incipit Film di Udin, al va in sale propit in ocasion dal aniversari dal disastri e al vignarà proietât lunis ai 9 di Otubar li dal Cinemazero di Pordenon e al Cine Teatri “Sociale” di Glemone, martars ai 10 li dal Visionario di Udin. Di là dal regjist, a saludâ il public in sale al sarà il senegjatôr Fabrizio Bozzetti. Il cine al è stât realizât in dîs agns di ripresis. Daûr dal regjist, “la storie di chest lûc dismenteât e pues ancje deventâ un viaç comun, universâl e contemporani par ognidun di nô”. (A.I.) – 09.10.2023