Dîs strumentistis zovinis pai Amîs de musiche

Dîs strumentistis zovinis e ferbintis, preseadis sedi tant che solistis, sedi in orchestris, a saran ospitis dai Amîs de Musiche di Udin al Palamostre, miercus al 1n di Març, aes 7.22 di sere. Daûr dal non “Les pics ensemble” al è un dopli cuintet di flâts e arcs, che al propon un program cetant rafinât. Il grup al è stât premiât za in diviers concors: Campus des Arts, Clare Schumann International Competition, London Classical Music e Classic Pure Vienna, e al rapresente une des propuestis plui prometentis dal moment. (A.I.) – 28.02.2023