Dîs zovins si preparin al teatri pes gnovis gjenerazions

La decime cuarte edizion di “Trallallero“, il festival internazionâl di teatri e culture pes gnovis gjenerazions, e sarà precedude ancje chest an di un avigniment colaterâl: “Blooming”, dai 28 ai 31 di Avost li dal Mulin Nicli di Rivis Darcjan, in graciis de colaborazion cu la associazion Servi di Scena e la poie de Regjon, de Fondazion Friuli e de Fondazione Pietro Pittini. Dîs zovins artiscj e zovinis artistis sot dai 35 agns dal Friûl-Vignesie Julie a saran impegnâts in cuatri dîs di laboratoris e lezions sul mont dal teatri pes gnovis gjenerazions, fatis di Renata Coluccini, regjiste e dramaturghe tra chês plui cognossudis dal teatri talian pai fruts. Dai 5 di Otubar, a Dartigne, Tarcint e Glemone, i stes a podaran metisi ae prove cjapant part in maniere ative ae organizazion, lant daûr di dongje ai spetacui, cjatant e dialogant cun atôrs e regjiscj nazionâi e internazionâi. (A.I.) – 26.08.2024