Doi beniamins di “Amici” sul palc a Cormons

Al Teatri Comunâl di Cormons, joibe ai 27 al rive ‘Giulietta e Romeo’ par cure dal Balet di Rome: protagoniscj Carola Puddu e Paolo Barbonaglia, za beniamins de trasmission televisive “Amici”. Intai ultins 20 agns, il spetacul al è stât une des produzions di plui grant sucès dal repertori de compagnie romane, cuntun record di recitis fatis e di public: 350 replichis in Italie e intal mont e 200 mil spetatôrs, in pratiche il spetacul di danze talian plui aplaudît di simpri. ‘Giulietta e Romeo’ al ven presentât cumò intune gnove version par celebrâ il so vincjesim aniversari cu la Compagnie del Balletto di Roma. (A.I.) – 24.04.2023