Doi concierts pai “Palcs intai parcs”

Dopli apontament cu la rassegne itinerante “Palchi nei Parchi” (Palcs intai Parcs), la manifestazion ideade dal Servizi forestis e Cuarp forestâl de Regjon, sot de direzion artistiche de Fondazion “Luigi Bon”. Vinars ai 5 tal Bosc Romagn al è in program il conciert spetacul “Accordi Disaccordi”, un progjet musicâl atîf intal panorame musicâl nazionâl talian e internazionâl, bon di misturâ influencis gipsy jazz, melodiis mediteraniis e ritmis latins cu la energjie dal rock. Sabide ai 6, aes 11 di matine, in calendari al è il prin dai avigniments a Vile Emma (Foreste dal Prescudin a Barcis): il conciert “The spirit of peace” dal Domus Musicae Quartet. (A.I.) – 04.07.2024

Foto di G. Di Muro