57
Un duet di jazziscj furlans ospit miercus ai 16 a Triest de rassegne dal Circul dal Jazz Thelonious li dal Knulp. Matteo Mosolo (liron) e Flavio Zanuttini (trombe) a presentaran il lôr ultin lavôr “Half Black Half White Half Yellow”, une suite in nûf moviments, nassude par celebrâ la musiche e la figure di Charles Mingus. Un tribût, un segn di agrât e di ricognossince viers chel compositôr che plui di ogni altri al è rivât a meti in musiche lis emozions contrastantis che a àn caraterizât la proprie esistence. Mosolo e Zanuttini a àn scomençât a sunâ insiemi intal 2006 tacant propit de analisi dai discs di Mingus. (A.I.) – 15.04.2025
