Doi pianos tal “Palamostre”

Al è passât un secul di cuant che Ottorino Respighi al à diret tal Teatri Sociâl di Udin “Il Tramonto”, un poemut liric che al à segnât il sucès di une des primis stagjons conciertistichis dai Amîs de Musiche. Di alore, ogni mês di Març, il sodalizi al memoree un dai moments storics di une vite lungje 103 agns. Ancje chest an il Palamostre al onore il compositôr bolognês: martars ai 25 aes 19.22 (tant che l’an di nassite), il conciert dal duet pianistic fat di Marco Sollini e Salvatore Barbatano al vierzarà propit cuntune dediche a Respighi. Lu fasarà in mût inusuâl, metint dongje doi pianos grancj sul stes palc: une sielte artistiche di impat acustic e senic fuart, che al jemplarà il teatri cuntune sonoritât dai contors maestôs. (A.I.) – 24.03.2025