Remo Anzovino, un dai compositôrs e pianiscj plui impuartants de sene de musiche strumentâl contemporanie, ancje intal Istât 2024 al è daûr a continuâ a fâ svolâ il so disc “Don’t forget to fly”, che a pôc plui di un an de sô publicazion al à prodot sessante datis tra presentazions e concierts. La uniche date estive in Friûl-Vignesie Julie e sarà a Aquilee joibe ai 5 di Setembar, in Place Patriarcjât. Un apontament a jentrade gratuite (prenotazion obligatorie su Eventbrite.it) intune citât che e à dedicât il 2024 dut ae pâs, e e à za ospitât artiscj dal nivel di Noa e Riccardo Muti. Di simpri sensibil aes tematichis sociâls e umanitariis, Anzovino al è tornât in studi par finî dôs gnovis colonis sonoris impuartantis, che a saran fûr intai mês che a vignaran. (A.I.) – 04.09.2024
Foto di P. Grasso
