Ducj i “musical” intune serade

Grease, Moulin Rouge, Cabaret, Chicago, Cats e tancj altris ancjemò. I plui famôs musical che a àn fat la storie dal teatri e de television a rivin ducj intune uniche sere a Osôf par “All That Musical”, il gnûf spetacul in sene pe stagjon di Anà-Thema Teatro, in program par sabide ai 29 tal Teatri de Cort. E sarà une serade dal ritmi indurant, cuntune rassegne brilante di splendits “medley” che a fasaran rivivi al public lis emozions di spetacui storics e cetant innomenâts. In sene, pe regjie di Melina Pellicano e cu lis senografiis di Anna Maria Carbone, i soliscj e il cuarp di bal de compagnie Bit. (A.I.) – 28.03.2025