A Udin a son ducj finîts i biliets disponibii pal conciert avigniment Queen Symphony Sensation – prodot di VignaPR e FVG Music Live, in program miercus ai 18 tal Teatri gnûf “Giovanni da Udine”. Calcolât il miôr omaç sinfonic in circolazion, Queen Symphony Sensation – che al viôt une formazion di passe 30 elements sul palc tra orchestre, corâl e grup – al è stât ideât dai Queen Real Tribute, une des plui preseadis “tribute band” dai Queen in Europe, formade intal 2007 di musiciscj che a àn sunât cu lis stelis de musiche plui grandis e innomenadis de ex Jugoslavie. Il spetacul al è nassût par proietâ inte contemporaneitât i Queen, un grup che al à vendût passe 300 milions di discs, che al à puartât plui di dîs tocs al prin puest intes classifichis des radios e di vendite. La version sinfoniche e interpretarà i tocs plui innomenâts cu lis tecnologjiis e lis senografichis di vuê, mantignint la identitât origjinâl e dutis lis cjançons di liende. (A.I.) – 17.12.2024
Foto di S. Di Luca
