E rive a Udin la fieste par cui che al à mancul di 30 agns

Li dal paveon 6 dal Ente Fiera di Udin e rive la fieste dal moment par cui che al à mancul di 30 agns, cun passe 180 mil biliets vendûts in dute Italie in mancul di un an. Sabide ai 2, la uniche date in Friûl-Vignesie Julie, inmaneade di Vign PR e Fvg Music Live, cuntun formât che al è daûr a concuistâ miârs di zovins in dute Italie: “Teenage Dream”, la fieste dedicade a musiche, cine e seriis Tv dai agns 2000. La serade e previôt un Dj set cui sucès dai agns 2000 e plui o mancul dôs oris cun sîs fantats e fantatis che a interpretin, in playback e dal vîf, lis senis e lis cjançons dal periodi, tirant dentri il public intune sorte di grant karaoke. (A.I.) – 30.11.2023