E tache la stagjon dai concierts li de Torate di S. Marie

La Stagjon dai “Concerti Torriani”, inmaneade dai Amîs de Musiche di Udin, si vierç vinars ai 27 aes 5 dopomisdì intal salon de Torate di Sante Marie, dongje de sede di Confindustria. Sul palc, Mario Hossen al violin, Marta Potulska ae viole e Liliana Kehayova al violoncel, par sunâ une opare di Johann Sebastian Bach: lis “Variazioni Goldberg”, in origjin scritis par clavicembal, ma chi proponudis inte trascrizion par tercet di arcs di Dmitry Sitkovetsky. Ospit di onôr dal conciert il compositôr Rainer Bischof: la sô musiche e ven sunade in dut il mont. (A.I.) – 26.10.2023