E tache la stagjon dal folclôr mondiâl

Cinc grandis rassegnis cui colôrs dal folclôr mondiâl pal Istât in Friûl-Vignesie Julie dai 11 di Lui ai 25 di Avost: un flus di musichis e balets che al puartarà in regjon 25 grups di almancul 20 Paîs diferents, par 700 artiscj in dut. Proponint un apassionant viaç culturâl ator pal mont, ae scuvierte des tradizions popolârs. La scree propit joibe ai 11 cu la vincjesime setime edizion dal “Folklorama”, inmaneade dal Grup Folcloristic di Pasian di Prât e fint ai 16 di Lui ancje ator par Martignà, S. Zorç dal Noiâr, Pradaman, Cjampfuarmit e Colorêt di Montalban. Pe fin di Lui, al tacarà ancje il festival mondiâl dal folclôr dai zovins e tal mês di Avost a rivin lis trê rassegnis plui vecjis, che e van indevant di passe 50 agns: chê di Davian e Plancjaval, il “Festival dei cuori” di Tarcint e chel dal Cjistiel di Gurize. (A.I.) – 09.07.2024