180
La stagjon di prose dal Teatri “Verdi” di Gurize e va indevant cuntun omaç ae dramaturgjie americane. Elena Sofia Ricci – viodude pocjis setemanis indaûr inte serie Tv ispirade al romanç de furlane Ilaria Tuti – e interprete martars ai 4 “La dolce ala della gioventù “di Tennessee Williams, un spetacul cuntun teme che si pant simpri atuâl: la velocitât li che la zoventût e sparìs, puartant siums, sperancis, pussibilitâts. Il test, dal 1952, al conte di une atore in declin, depresse e alcolizade, che e scjampe di chel che e crôt un faliment, e dopo une gnot di ecès e va daûr di un atôr falît ae ricercje di innomine e ricjece, interpretât dal zovin Gabriele Anagni. (A.I.) – 03.04.2023
