Emma ae Fiere de Musiche di Daçan

La cjantautore Emma, une fra chês plui amadis dal public pal so talent, la sô personalitât e ancje pal so impegn sociâl, e je la stele de “Fiere de Musiche” di Daçan, protagoniste dal conciert di joibe ai 27 inte centrâl place Libertât. Uniche date in esclusive pal Friûl-Vignesie Julie, e je part dal gnûf tour estîf de artiste par presentâ lis cjançons dal so ultin album “Souvenir” e ducj i siei sucès. Vinars ai 28, li de “Fiere” al sarà il turni di altris dôs artistis de gnove sene musicâl: Anna e Ele A. (A.I.) – 26.06.2024