Il Far East Film Festival al rive a metât dal so percors miercus ai 25, cuntune zornade che e rapresente i concets di “molteplicitât” e “diversitât”, che a son la fonde dal festival. I titui in program za di prime matine, al Teatri Gnûf “Giovanni da Udine” e al Visionario, a son un viaç traviers l’Orient, de Cine di “Hachiko” al Gjapon di “Techno Brothers” e “You’ve got a friend”, passant pe Tailande di “You & me & me” des zimulis Hongvivatana, ae lôr opare prime. Il titul plui spietât e in anteprime mondiâl al è “Techno Brothers”, il cine stramp dai Watanabe Bros., che al met intun i “Blues Brothers” di John Landis, l’umorisim di Kaurismaki e la estetiche elettropop dai Kraftwerk! (A.I.) – 24.04.2023
Far East: a rivin i “Blues Brothers” dal Orient lontan
135