Far East Festival: un sucès cui numars di prime dal Covid

Belanç plui che positîf pe vincjesime cuinte edizion dal Far East Film Festival, che si è sierât cun 60 mil spetatôrs intai nûf dîs di proiezions a Udin. Il public al à decretât la prime vitorie a Udin de Malesie, premiant cul “Gelso d’oro” (il Morâr di Aur) il cine “Abang Adik”, esordi dal regjist Jin Ong. Tornant ae normalitât dopo trê edizions de rassegne in periodi di pandemie, chest an il festival al à dât acet a passe 3.000 ospits. E al à mantignût ancje numars impuartants in rêt, cun plui di 10 mil presincis di 200 citât che a àn viodût i cines in streaming su la plateforme Mymovies. (A.I.) – 02.05.2023

Foto di Riccardo Modena