“Fassist”: al torne il cine criticât dal cusin di Pasolini

Daspò di 48 agns, il cine “Fascista” (“Fassist”) di Nico Naldini al torne a Cjasarse par un avigniment speciâl che al memoree il storic cineforum che, a metât dai agns Setante, al tirave dongje i zovins dal Comun. Ai 14 di Fevrâr dal 1975, li dal cine Delizia, e fo proietade la opare dal scritôr e sagjist, che e fasè grant scjas in chel moment (in pratiche, e fo acusade di jessi un cine dongje dal regjim). In difese dal cine e di Naldini, il cusin Pier Paolo Pasolini e ancje il politic Marco Pannella. Il cine al torne martars ai 28 di Novembar li dal teatri comunâl Pasolini di Cjasarse, dentri de gnove stagjon cinematografiche, cu la presentazion di Piero Colussi di Cinemazero, che si vise ancjemò di chê proiezion. Naldini al fo invidât dai organizadôrs dal Cineforum di Cjasarse e al disè: ”Cun chest cine no ai volût contâ la storie dal fassisim e nancje di Mussolini, ma il rapuart tra un ditatôr e il Paîs dominât di lui”. (A.I.) – 27.11.2023