Un grup di paisans e afezionâts amîs al à fondât un comitât che al puedi valorizâ la aventure artistiche e umane di Robert Miles, al secul Roberto Concina. Savût dal interès dal Comun a dedicâ une place al concitadin innomenât, di là di iniziativis colaterâls che a puedin fâ cognossi la sô figure, un grup di personis si è dât di fâ. Su solecitazion dal pari Albin (la mari, Antonietta, e je mancjade di resint), il comitât si è struturât cun president Alessandri Dite e vicepresident il musicist e Gabriel Saro. A fasin part DJ, gjornaliscj, musiciscj, publicitaris, amîs e preseadôrs. Ai 9 di Mai di cinc agns indaûr, intal 2017, nus lassave Robert Miles, Dj e furlan produtôr di Feagne, cognossût in dut il mont, in particolâr in graciis dal sucès di un singul tant che “Children”, risultât tra chei plui vendûts, a nivel globâl, intal 1996, intune cun “One and One”, altri toc di grant sucès, dal stes autôr furlan. Adg
239
