“Festil” a Udin e pant la ironie e lis emozions dai zovins

Spazi ae danze a “Festil”, la novesime edizion dal Festival estîf dal Litorâl, direte di Tommaso Tuzzoli e Federico Bellini. A Udin, in colaborazion cun Teatro Contatto Estate, la stagjon dal CSS, Teatri stabil dal Friûl-Vignesie Julie, martars ai 2 la sezion dedicade ae danze e ufrìs sul palc dal Teatri “San Giorgio” la sensibilitât di Kenji Shinohe, coreograf e danzadôr gjaponês, ma che al è a stâ a Düsseldorf, e la ironie esplosive de compagnie napoletane Cornelia (aes 9.15 sore sere). Shinohe al puarte in sene “K(-A-)O faccine”, un spetacul par grancj e piçui dai 8 agns in su, intant che Nyko Piscopo, coreograf de compagnie Cornelia, al tache de flabe “La bella addormentata” par frontâ in “Sleeping Beauty – Work Bitch!“ la analisi emotive di cinc zovins di vuê. (A.I.) – 01.07.2024