Festival di cine transfrontalîr di ca e di là di Gurize

La vincjesime cuinte edizion dal festival cinematografic transfrontalîr “Omaggio a una visione” dal Kinoatelje e tache martars ai 8 cuntune schirie di cines, curtmetraçs, dibatiments, cjaminadis cinematografichis, incuintris cul autôr, concierts e tancj altris apontaments fint a domenie ai 13 a Gurize, Gnove Gurize, S. Pieri dai sclavons, Triest e Lubiane. In ocasion de inaugurazion de rassegne tal Kulturni dom di Gnove Gurize al sarà proietât il cine “Family Therapy” (sottitulât par talian), candidât sloven al premi Oscar tant che “miôr cine internazionâl”, in presince de regjiste Sonja Prosenc. Miercus ai 9 il festival al vierç lis puartis di BorGO Cinena in vie Rastello a Gurize e joibe ai 10 a son previodûts i avigniments che a celebraran l’autôr che chest an al varà il premi Darko Bratina: il regjist francês Nicolas Philibert. (A.I.) – 07.10.2024