Fieste di complean cun dôs sunadoris di innomine

Il festival internazionâl di musiche e teritoris “Nei suoni dei luoghi” al fâs 25 agns e al celebre chest apontament impuartant intal so stîl, cuntun conciert speciâl che al viodarà protagonistis lis diretoris artistichis dal festival: la pianiste di innomine internazionâl Gloria Campaner e la violiniste Valentina Danelon. L’apontament al è miercus ai 23 di Avost al Villaverde Albergo & Resort Spa e Golf di Feagne, aes 9 sot sere, cul conciert che al vûl jessi ancje un regâl al public che di agns al à fat de rassegne une di chês plui preseadis di chenti. Intal cors de serade, che e viodarà lis dôs afermadis sunadoris interpretâ un program di musichis a sorprese, a cjataran spazi ancje contis e testemoneancis che a fasin part dal viaç che il festival al à savût realizâ intun cuart di secul. (A.I.) – 22.08.2023