Filmâts antics su Tarcint e Tresesin al ‘Margherita’

l Lions Club e la Cineteca del Friuli a presentin joibe ai 18, te Sala Margherita di Tarcint, lis proiezions di cualchi filmât antic su Tarcint e Tresesin gjavâts fûr de trilogjie de Cineteca sul “Friûl pierdût”, plui doi raritâts, digjitalizadis pe ocasion. Un mût par tornâ a viodi lûcs, musis, situazions e atmosferis dal passât, cu la presentazion dal storic udinês Carlo Gaberscek. Il document plui antîc al è la comedie curte “A Villa Rosa è proibito l’amore”, zirade a Villa Moretti a Tarcint tal 1937 dal udinês Guido Galanti. La prime des dôs sorpresis e je un cinegjornâl curt su la gnove viertidure de Sala Margherita ai 25 di Zenâr dal 1979. (A.I.) – 17.05.2023