Floramo a teatri par fevelâ di frontiere

Si siere miercus ai 2 a Udin la otave edizion di “Festil”, il Festival estîf dal litorâl inmaneât di Tinaos. Te Corte Morpurgo al vignarà presentât “A piedi nudi sul bordo del mondo – suoni e voci lungo la frontiera”, il gnûf spetacul di Angelo Floramo, scritôr, atôr, studiôs e regjist. Il spetacul, in prime nazionâl (al teatri S. Zorç se al plûf) al fronte il teme de frontiere e dal confin, cuntune sucession di cuadris intercambiabii fra di lôr, che si compagnin a motîfs sonôrs ispirâts ai musiciscj vagabonts, sunâts dal tercet Fior delle Bolge, formât di Federico Galvani (armoniche), Alan Liberale (batarie) e Luca Zuliani (violoncel). (A.I.) – 01.08.2023