Flum/Rijeka cjapade: la storie al cine tra critiche e ironie

Miercus ai 19, une anteprime speciâl pal tierç apontament di “Spietant Pordenon Docs Fest – Lis vôs dal documentari”, il festival di Cinemazero rivât ae sô decime otave edizion. In anteprime a Cinemazero di Pordenon la proiezion dal documentari vincidôr dal Tiger Award al cincuantesim cuart International Film Festival di Rotterdam “Fiume o Morte!”, in presince dal regjist Igor Bezinović. Prodot de furlane Erica Barbiani par Videomante, il cine al sarà ancje tal Visionario di Udin, simpri in presince dal regjist. “Fiume o Morte!” al torne a lei cun ironie e spirt critic un dai episodis plui ecentrics dal prin dopovuere, cuant che intal 1919 il poete talian Gabriele d’Annunzio al cjape la citât di Flum/Rijeka. Sedis mês di ocupazion de citât a son contâts dai abitants di vuê intun viaç cinematografic plen di energjie e “punk”. (A.I.) – 18.02.2025