12
Un gnûf apontament in esclusive regjonâl pe programazion dal Teatri “Verdi” di Pordenon, che al presente joibe ai 5 e vinars ai 6 il spetacul teatrâl e musicâl “Fred!”, un omaç a Fred Buscaglione e aes sôs cjançons imortâls. Protagonist in sene il zovin e brilant Matthias Martelli, che al incjarne la iriverence e il carisme dal artist innomenât, diret dal gjeni artistic di Arturo Brachetti, che al firme la regjie di cheste produzion, fasint fâ al public un viaç straordenari intal univiers dai Agns Cincuante, contant la storie di un musicist ecezionâl e aclamât, che al à segnât la storie culturâl e musicâl dal nestri Paîs. (A.I.) – 04.12.2024
