Freevoices: la corâl gurizane e torne a cjantâ, par beneficence

A son in vendite dai 4 di Març, su la plateforme bigliettoveloce.it, gjestide di Artisti Associsti, i puescj che si puedin za prenotâ pal conciert “GO!2025 Vôs cence confins” cul Freevoices show Choir, in program tal Auditorium de Culture furlane di Gurize sabide ai 29 di Març. Promovût dal Lions International Gorizia Host, cul patrocini dal Comun, l’avigniment al ven organizât pe racuelte di fonts destinâts al acuist di aparâts radiografics e ecografics pai esams a domicili di pazients dal repart di radiologjie dai Ospedâi di Gurize e Monfalcon. Il conciert al rive dopo la esibizion dal grup sul Palc di Place Vitorie, ai 8 di Fevrâr, pe inaugurazion dal an de Capitâl europeane de culture. (A.I.) – 04.03.2025