Fresu a Felet cuntun omaç ae musiche latine

E je daûr a finî la stagjon de Fondazion “Luigi Bon”, che di Otubar e à proponût plui di 30 avigniments par un calendari cetant siôr, ospitât soredut tal Teatri “Paolo Maurensig” di Felet in comun di Tavagnà: un lûc unic che al à ospitât pe prime volte une stagjon complete e multidissiplinâr. E propri chi si fasarà ancje l’ultin spetacul dal calendari, “Trama Latina”, in sene miercus ai 16. Un progjet cun “cimis” de sene musicâl taliane e internazionâl: il cjantant e vocalist belghe David Linx, il trombetist Paolo Fresu e il pianist Gustavo Beytelmann. Il tercet al fasarà un omaç a cualchi grant compositôr e interprete de culture sudamericane e a chel che al è stât fat dal passât al presint. (A.I.) – 14.04.2025