“Friûl stazion”: la musiche in viaç cun ironie

Un conciert speciâl tal Cafè Caucigh di Udin intitulât “Friûl stazion”, che al è tal stes timp il non di un grup nassût pe ocasion e chel dal spetacul. Vinars ai 15, Rocco Burtone (autôr ancje dai tescj) cun Paolo Dal Sacco, Danilo Gramaccia, Gianni Iardino, Gabriele e Sandro Marcon, al conte di un tren che al partìs dal Friûl e al zire la Italie cu lis musichis de tradizion (ancje chê furlane), par dopo rivâ fint in Argjentine e intai Stâts Unîts, intun percors plen di aventuris e di contis tra l’ironic e il sugjestîf. (A.I.) – 14.03.2024