Gene Gnocchi tal bosc al sune e al cjante rock

Trê mês di spetacui in 13 puescj naturâi de regjon. La cuinte edizion de rassegne itinerante di musiche e teatri “Palchi nei parchi” inmaneade dal Servizi forestâl de Regjon F-Vj, cu la direzion artistiche de Fondazione Bon di Culugne, e torne dai 2 di Jugn al prin di Setembar cun 19 spetacui in dutis e cuatri lis provinciis. Si tache domenie tal parc di Vile Chiozza a Scodovacje di Çarvignan cul comic, scritôr e cjantant Gene Gnocchi e il so “Sconcerto Rock”. Plui indevant, a rivaran Ugo Dighero, Giobbe Covatta, Michele Mirabella, I Papu, ma ancje Claudia Contin Arlecchino, la FVG Orchestra e une vore di rock, jazz e classiche cun artiscj di chenti: Anthony Basso, Alvise Nodale, Freevoices, Corte di Lunas… (A.I.) – 31.05.2024