Gnot vierte tal “Tomadini” di Udin

Il conservatori “Tomadini” di Udin al salude l’Istât che al è daûr a rivâ cuntune grande fieste di musiche: vinars ai 21, dal tramont a miezegnot, la prime “Open Night”, la “gnot vierte”, e sarà la ocasion par vierzi ae citât il zardin interni e par dâ acet al public cuntune grande fieste di buine musiche. “Notte e note” (Gnot e notis) e sarà la ocasion par scoltâ un larc
repertori e imerzisi intes notis dai grups di musiche di cjamare e de Orchestre dal Tomadini, par spaziâ de classiche al jazz, passant pe musiche contemporanie di autôr, cun tocs firmâts ancje dai zovins students di composizion (dut il program al è in rêt su: www.conservatorio.udine.it). A saludâ il public, cul president, Gugliemo Pelizzo, e il diretôr, Beppino Delle Vedove, cetancj musiciscj, students e insegnants, impegnâts dispès intes esecuzions, un dongje di chel altri. (A.I.) – 19.06.2024