Go!2025: ancje Robbie Williams a Triest

Un altri avigniment inte suaze des celebrazions par Gurize e Nova Gorica capitâl de culture. La stele dal pop inglês Robbie Williams al puartarà joibe ai 17 di Lui dal 2025 tal stadi “Rocco” di Triest l’unic conciert talian dal so gnûf tour, dentri dal palinsest di “GO!2025&Friends”, la rassegne promovude de Regjon e di PromoTurismo FVG. Doi agns daspò lis dôs datis trionfâls te Unipol Arene di Bologne, i apassionâts talians a varan la oportunitât di viodi di gnûf dal vîf une des iconis dal panorame musicâl mondiâl. Inmaneât de Regjon Friûl-Vignesie Julie, in colaborazion cul Comun di Triest, FVG Music Live e Vigna PR, il conciert al vierç lis prevenditis vinars ai 15 su eilo.it, ticketone.it, ticketmaster.it, vivaticket.com e sul circuit internazionâl Eventim (eventim.si/eventim.hr). (A.I.) – 11.11.2024