Danze a nivel tant alt pe 41me edizion dal “Gala Internazionale di Danza per la Croce Rossa italiana”, a pro de infanzie debile, proponût al Teatri Gnûf “Giovanni da Udine” joibe ai 8 di Dicembar, aes 8.45 sotsere. La Associazione Danza e Baletto e la diretore artistiche Elisabetta Ceron a àn sielt par chest event di solidarietât, ancjemò une volte, danzadôrs e autôrs di innomine internazionâl. Lis 83 compagniis che a son stadis ospitadis fin a vuê a son la testemoneance de atenzion de art bande la infanzie, par realizâ un grant progjet di assistence. La serade e proponarà tocs e creazions contemporaniis in prime nazionâl e regjonâl, cun artiscj dal Teatro alla Scala di Milan, de Dance Company Theaterhaus Stuttgart, dal Wiener Staatsballett e di altris compagniis innomenadis. (A.I.) – 07.12.2022
Grancj danzadôrs a pro de Crôs Rosse
158