Grancj nons dal jazz pe rassegne di Cormons

I grancj nons dal jazz internazionâl si daran apontament ancjemò une volte dai 23 ai 27 di Otubar al festival transfrontalîr “Jazz & Wine of Peace”, presentât intal municipi di Cormons. Une rassegne difondude fra Cuei furlan e sloven e che, fra musiche e lis ecelencis enogastronomichis, e celebre la amicizie fra i popui, anticipant di simpri il spirt di Gurize-Gnove Gurize capitâl de culture 2025. Inmaneât dal circul Controtempo di Cormons, il festival al ospitarà 28 avigniments in 5 teatris e in 18 aziendis vitiviniculis e cjasis storichis. A risaltin intal program protagoniscj assolûts dal jazz tant che Jason Moran, Fatoumata Diawara, Erik Friedlander e Uri Caine  Previodût ancje un omaç al diretôr artistic dal festival Mauro Bardusco, muart intal Jugn di chest an, cui concierts dal duet Venier-Cisilino inte Badie di Rosacis vinars ai 26 di Otubar e dal grup di Zlatko Kaučič ai 27 tal Kulturni Dom di Gurize. (A.I.) – 01.10.2024